Bu gecə
Gəl sevgilim qorxunu,
Dəfn eləyək bu gecə
Xəyalları,yuxunu....
Dəff,eləyək bu gecə
Tutub sevgi gözmüzü
Tutmayaraq sözmüzü,
Bu dəfəlik,özmüzü
Əfv,eləyək bu gecə
Düşünməyək günahdı,
Sevən qəlbdə,tamahdı
Zənn eyləyək nikahdı,
Səhv,eləyək bu gecə
Sənsiz keçib çox ilim
Səni yoldaşım bilim,
Uzaqlığı sevgilim,
Məhv,eləyək bu gecə
Kəsək həsrətin kökün,
Uşaqlığa,son bu gün!
Valideyinlik yükün,
Kəşf eləyək,bu gecə
Mən səni sevirdim,sən də özgəsin
Özgədən məhəbbət,sən,uman oldun
Mən sənin önündə geniş bir səma,
Sən mənim önümdə,bir duman oldun
Sən yatmis gozəldin,mənsə bil ayiq,
Bilmədin nə esqin arzusundayiq
Mən sənin yolunda ən yasil isiq,
Sən mənim yolumda bir dalan oldun
Dedilər,boş xəyal,arzudan əl çək
Sevdiyin o gözəl,deyil ki mələk
Mən sənin gözündə daimi gerçək,
Sən mənim gözümdə,bir yalan oldun
Sənsən
Mən sevgi şairi,sən şeirlərim
Yazdığım şeirin mənası sənsən
Ürəyim döyünür,çırpınırsa bil,
Yaşama səbəbi,əsası sənsən.
Sevgimin çiçəyi açıbdı sənlə,
Məhəbbət nur yerə,saçıbdı sənlə
Qoşulub könlüm də,qaçıbdı sənlə
Bu sevən qəlbimin sevdası sənsən.
Yarpağlar tökülsə,eşq ağacından
Hər aşiq öləcək,sevgi acından..
Ay gözəl,ver mənə eşq ilacından,
Bil,sevən könlümün şəfası sənsən.
Mən səni sevirəm,naz eyləyirsən
Düşünmə nazını,az eyləyirsən..
Ömrümün qışını yaz eyləyirsən,
Başımın bu şirin,bəlası sənsən.
Seginin yükünü daşıyıramsa,
Ölümlə üz-üzə savaşıramsa,
Mən sağam,hələ də yaşayıramsa,
Ömrümün nöqtəsi,nidası sənsən.
Sevgimin şahidin salmışam yola,
Adını yazmşam sinəmdə sola
Gəl verək mənimlə gedək qol-qola,
Elşənin həyatı,dünyası sənsən..!
Bacı..( Bacıma)
Qardaşa, anadan xəzinə,paydı
Könüldə açılan,çiçəkdir, bacı
O, isti günəşdi, işıqlı aydı
Hər evdə çırağdı,bəzəkdi, bacı
Dərdimə,məndən çox ağlayan odu
Tər-təmiz bulağdı, o şəffaf sudu
Dərdlərim gizlənir, gələndə adı
Dərdimi qorxudan, fələkdir, bacı
Uşaq tək nazımı, çəksə yorulmaz
O elə zəncirdi,möhkəm, qırılmaz
Onun tək nə bir dost,nə bir yar olmaz
Köksümdə döyünən,ürəkdir, bacı
Bəlkə də incitdim,küsə bilmədi
Duasın üstümdən,kəsə bilmədi
Bir, özgə tərəfə,əsə bilmədi
Dərdimi sovuran,küləkdir, bacı
Üzülsəm, gecələr heç yata bilməz
Gözümdə qəm görsə,üzü də gülməz
Gözüylə danışar,dili də dinməz
Gözündən nur saçan,mələkdir, bacı
Ərköyün böyüdük,qayğıdan uzaq
Bacılar,hər zaman tüstüsüz ocaq
Qardaşlar bacıya hünərdi,ancaq,
Bacının özünə,gərəkdir, bacı
Yoxluğuna tapşır məni...
Yoxluğuna tapşır məni,
Gecə-gündüz ağlatmasın
Yaralanmış ürəyimi
Xəyalınla qanatmasın
Solmuş ömür çiçəyimi,
Bir az daha saraltmasın
Yoxluğuna tapşır məni,
Xəyalından şəkil çəkib,
Yaddaşıma həkk etməsin
Sənsiz nələr çəkdiyimə,
Bir an belə,şəkk etməsin
Qoyub məni,tək getməsin
Yoxluğuna tapşır məni,
Sənsizliyin qapısında,
Səni mənə,gözlətməsin
Ağrı-acı çəkdiyimdə,
Məni sənə izlətməsin
Varlığını gizlətməsin
Yoxluğuna tapşır məni,
Gəncliyimi ovub-ovub
Qocalığa yedirməsin
Yazığ qara saçlarımı,
Ağ libasa geydirməsin
Qamətimi əydirməsin
Yoxluğuna tapşır məni,
Son mənzilə göndərməsin
Hələ gəncəm,həyatımın
Çırağını söndürməsin
Yoxluğuna birdə deki,
Bu Elşəni,dindirməsin